Tuesday, January 05, 2016

मी एक ढोंगी …

मी एक ढोंगी …
जगामध्ये कुठेही अतिरेकी हल्ला झाला कि त्या देशाच्या झेंड्याने माझा डी . पी . रंगे
'जे सुइस चार्ली' वगैरे अगम्य वाक्यांनी मी दाखवी की मी त्यांच्या संगे
माझ्या बकवास वाहिनीवर वर पोकळ बुद्धीवन्तासंगे बाष्कळ चर्चेचे गुऱ्हाळ रंगे
हा वाईट, तो वाईट… च्छे… ह्या जगात सगळ वाईट
आज माझ्या देशावर हल्ला झाला…
कित्येक शूर निधडे मोहरे जाया झाले.
माझा डी . पी . बोडकाच आहे.
मला काहीच पडलेले नाही.
मी आता सरकार आणि गुप्तहेर कसे वाईट ह्यावर,
माझ्या रिकामटेकड्या भोजनभाऊ बुद्धीवन्तासंगे गंभीरपणे धोरणात्मक बाष्कळ चर्चा करतो आहे
मला कस सगळ आधीच माहित होत हे सांगतो आहे.
अचानक मला मी 'लोकमान्य' असल्याचा भास होऊ लागला आहे.
त्यामुळे मी 'सरकारचे डोके …' वगैरे सारखे तीक्ष्ण प्रश्न विचारतो आहे.
मग आहे काय बिशाद मला नाही देणार जवाब ?
माझा तिरंगा….
माझी लायकी ओळखून आहे
म्हणूनच माझ्या देशातल्या शूर वीर शहिदांना 'त्याचे' कफ़न मिळते आहे
आणि मी…
माझ्याच देशाच्या शत्रू साठी देशाविरुद्ध जळतो आहे.
- आदित्य
५ जानेवारी २०१६