निर्ढावलेला देश

लैंगिक विषयांचा उभा केलेला प्रचंड बागुलबुवा,

एकंदरीत ह्या सगळ्या विषयांच्याबाबत कुटुंबात आणि समाजात असलेली कमालीची दांभिकता,
त्यातून पिढ्यानपिढ्या आलेला ठार अडाणीपणा (सर्व धर्म ह्यात अगदी सारखेच) आणि स्त्री ही केवळ एक उपभोग्य आणि कसलीही किंमत नसलेली वस्तू आहे हा अनेकांचा ठाम समज आपल्याला 'जनावर' बनवून दुर्दैवानं अनेक 'निर्भया' बघण्याची अत्यंत लाजिरवाणी वेळ आणतो आहे.

मुलगा झाला म्हणजे दैवी देणगी मिळाली आणि त्याला कसेही वागला तरी पोटाशी घेऊन सोडून द्याची वृत्ती निर्माण झाली तेव्हाच आपली अधोगती निश्चित झाली.
आपण शिकलेले असो वा अडाणी, बायका आणि मुलींशी सभ्यतेने, सन्मानाने कायम आणि कोणत्याही वेळी कसे वागावे हे मुलांना शिकवण्याची वेळ अजूनही गेलेली नाही.

कामाच्या ठिकाणी, शाळा कॉलेज मध्ये लोचट वागून बोलून अनेक लोक मनातली घाण दाखवतात जोवर असेही लोक आहेत तोपर्यंत आपल्याला उज्वल भविष्य नाही.

जी डी पी १०% न्या, चंद्रावर जा कि प्रत्येकाला लखपती बनवा; लोकांच्या मनाच्या उकिरड्याची स्वच्छता होणे नाही.

आयसिस सारख्या अतिशय हीन दर्जाच्या स्त्री गुलामगिरीवाल्या विचारसरणीकडे वाटचाल लखलाभ.

#निर्भया

आदित्य सायगांवकर ३० नोव्हेंबर २०१९